20 жніўня 2026 года ў рамках Адзінага дня інфармавання “Экалагічная культура – адказнасць кожнага”, ААТ “Гродзенская тытунёвая фабрыка “Нёман” наведаў намеснік начальніка аддзела дзяржаўнага кантролю Гродзенскай аб абласной інспекцыі аховы жывёльнага і расліннага свету Горбач Міхаіл Юр’евіч.
У ходзе сустрэчы была акцэнтавана ўвага на важнасць комплексу мер, якія рэалізуюцца ў рэспубліцы для аховы навакольнага асяроддзя. У ліку прыярытэтаў – дзяржаўная падтрымка лясной гаспадаркі. Для барацьбы з несанкцыянаванымі звалкамі прымяняюцца адміністрацыйныя інструменты: узмацняецца кантроль за вывазам адходаў, уводзяцца штрафы, вядзецца асветніцкая работа з насельніцтвам.
Былі разгледжаны актуальныя пытанні экалагічнай бяспекі, экалогіі асяроддзя пражывання, азелянення гарадскіх тэрыторый, барацьбы з інвазіўнымі раслінамі, абыходжання з адходамі і адказнага стаўлення да жывёл.
Асаблівую ўвагу эксперт удзяліў напрамкам работы санітарна-эпідэміялагічнай службы. Размова ішла аб санітарным утрыманні зямельных участкаў і прыдамавых тэрыторый, правілах бяспечных паводзін у рэкрэацыйных зонах, якасці пітнога водазабеспячэння і мерах па яго паляпшэнні, а таксама прафілактыцы клешчавых інфекцый – клешчавога энцэфаліту і хваробы Лайма.
Асобная ўвага надаецца зніжэнню выкідаў ад транспарта. Паралельна ідзе мадэрнізацыя прамысловых прадпрыемстваў. Гэтыя меры дазваляюць Рэспубліцы Беларусь захоўваць баланс паміж эканамічным развіццём і абаронай прыродных экасістэм.
Спікер адзначыў, што фарміраванне экалагічнай культуры – гэта задача, якая патрабуе непарыўнага адзінства намаганняў як дзяржавы, так і кожнага грамадзяніна. Гэта карпатлівы і шматгадовы шлях, але менавіта сумеснымі намаганнямі атрымоўваецца выбудаваць падмурак, захоўваючы прыроднае багацце для будучых пакаленняў!